AIE RibeiraSacra Next
Úneste a esta aposta de futuro polo sector empresarial da Ribeira Sacra?
Agrupación de Interese Económico RibeiraSacra Next
Información
A AIE (Agrupación de Interese Empresarial) Ribeira Sacra Next constitúese en febreiro do 2023 como unha agrupación aberta a tódolos sectores empresariais da Ribeira Sacra, unindo as provincias de Lugo e Ourense.
Do mesmo modo que a Ribeira Sacra se presenta como un territorio único no sector do viño ou no sector turístico, a Agrupación de Interese Empresarial vincula as actividades empresariais das dúas provincias, ao entender que compartindo o mesmo espazo se teñen intereses e problemáticas comúns e que unid@s se pode facer máis forza.
Así, na orixe da Agrupación está contribuír a mellorar os resultados da actividade do conxunto das empresas deste territorio, desenvolvendo servizos auxiliares de toda índole para cubrir de modo conxunto as necesidades como empresas individuais: formación, programa de actividades, xestión de axudas, interlocutora coas administracións,….
A AIE Ribeira Sacra Next aposta por definir e impulsar os intereses do territorio en clave empresarial e social, co convencemento de que o carácter emprendedor e económico do sector beneficiará á Ribeira Sacra e a todos os seus habitantes. Desde a unión empresarial terase un posicionamento ante os retos do futuro.
Ata o momento integran oficialmente a Agrupación máis de 60 empresas das provincias de Ourense en Lugo dos máis diversos sectores: adegas, turismo rural, gastronomía, comercio, informática, avogacía, comunicación, calzado, servizos para o sector primario, enxeñería, cafeterías, hoteis, organización de actos, asesorías, educación, viaxes, atención sociosanitaria,… ademais de polígonos industriais e colectivos como os centros comerciais urbanos ou asociacións empresariais de carácter municipal. A maiores, unha vintena de empresas teñen amosado o seu interese en participar a falta de facer efectiva a inscrición.
En novembro deste 2023 a AIE Ribeira Sacra Next pasa da teoría á práctica celebrando a súa primeira asemblea, onde se definiron as primeiras liñas de actuación e constituíuse o Consello de Administración, formado por 15 persoas que comenzarán a traballar para seguir dando forma a esta realidade ilusionante.
Úneste a esta aposta de futuro polo sector empresarial da Ribeira Sacra?
Pode pertencer á Agrupación de Interese Empresarial Ribeira Sacra Next calquera empresa e/ou autónomo ubicados nalgún dos concellos da Ribeira Sacra.
Establécense dúas modalidades:
a) Como socio: Formando parte da AIE Ribeira Sacra Next con dereito a voz e voto. Aportación de capital inicial: 300€.
b) Como colaborador: Sen dereito a participar nas decisións e votacións, pero si como parte consultiva e colaboradora. Pendente de definir en asamblea as condicións desta figura.
Úneste a esta aposta de futuro polo sector empresarial da Ribeira Sacra?
e-mail: informacion@ribeirasacranext.gal
Tlf: 609 825 975 / 627 514 778
Para solicitar a alta na asociación pode utilizar este formulario