A Asociación de Empresas Ribeira Sacra Next nace en febreiro de 2023 como unha asociación aberta a todos os sectores empresariais da Ribeira Sacra, unindo as provincias de Lugo e Ourense.

Do mesmo xeito que a Ribeira Sacra se presenta como un territorio único nos sectores vitivinícola e turístico, a Asociación de Empresas Ribeira Sacra Next conecta e representa as actividades empresariais das dúas provincias, ao entender que, ao compartir un mesmo territorio, temos intereses, retos e problemáticas comúns e que xuntas e xuntos podemos ser máis fortes.