Convenio Asociación de Empresarios de Chantada

A Asociación de Empresarios Ribeira Sacra Next e a Asociación de Empresarios de Chantada asinaron un convenio de colaboración co obxectivo de reforzar a cooperación entre ambas entidades e impulsar actuacións conxuntas en beneficio do tecido empresarial do territorio.

O acordo contempla a colaboración en materia de emprego, comunicación institucional, difusión de actividades, uso compartido de recursos e apoio mutuo en iniciativas empresariais, formativas e de dinamización económica.

Ademais, Ribeira Sacra Next pon á disposición da Asociación de Empresarios de Chantada a súa plataforma de emprego, facilitando a publicación de ofertas laborais e a conexión entre empresas e persoas demandantes de emprego. O convenio inclúe tamén o compromiso de promover actividades anuais no ámbito de Chantada.