A Asociación formaliza a sinatura do convenio de colaboración con "AV10 Abogados"

A Asociación vén de formalizar a sinatura dun convenio de colaboración coa firma xurídica "AV10 Abogados", consolidando así unha alianza estratéxica orientada a reforzar o apoio legal tanto á entidade como ao conxunto das persoas asociadas.

Este acordo supón un paso importante no compromiso da Asociación por ofrecer servizos de valor engadido, facilitando o acceso a asesoramento especializado e condicións vantaxosas en materia xurídica.

No marco deste convenio, establécense as seguintes liñas principais de colaboración:

Asesoramento Xurídico

1. Asesoramento e consultas gratuítas a asociados e órganos de administración.
2. Desconto do 20 % respecto ao baremo en todas as actuacións xudiciais e extraxudiciais en representación da Asociación.
3. Asesoramento e primeiras consultas gratuítas para os asociados.
4. Desconto do 20 % respecto ao baremo en todas as actuacións xudiciais e extraxudiciais contratadas polos asociados.
5. Compromiso anual de realizar diferentes actividades informativas ou formativas de interese para a Asociación e os asociados.

Ademais, o convenio contempla a realización de accións divulgativas e formativas ao longo do ano, co obxectivo de achegar coñecemento práctico e actualizado sobre cuestións legais de interese para o tecido asociativo.

Desde a Asociación valórase moi positivamente esta colaboración, que permitirá mellorar os servizos ofrecidos e dar resposta ás necesidades xurídicas actuais das persoas asociadas.