PROX Consultores, novo servizo para as empresas asociadas de Ribeira Sacra Next.

Co obxectivo de ofrecer ás nosas empresas asociadas un apoio especializado na busca, análise e tramitación de axudas, Ribeira Sacra Next asinou o 31 de marzo de 2026 un convenio de colaboración con PROX Consultores, empresa especializada na xestión e tramitación de subvencións para empresas.  

A través deste acordo, as empresas asociadas poden acceder a un servizo profesional de acompañamento en subvencións, desde a fase inicial de información e estudo ata a presentación da solicitude, o seguimento do expediente e a xustificación final. O convenio tamén recolle un 10% de desconto nos custos de PROX para os proxectos que cheguen a través da asociación.  

Que vantaxes ofrece este convenio ás empresas asociadas?

Beneficios de PROX Consultores para as empresas asociadas

1. Información e orientación inicial sobre subvencións e liñas de apoio para empresas asociadas, sen custo nesta fase inicial.
2. Información actualizada sobre axudas publicadas e convocatorias de interese.
3. Envío de boletíns, avisos e resumos informativos sobre subvencións para empresas.
4. Análise previa de viabilidade do proxecto e das posibles axudas ás que poder optar.
5. Reunións de orientación e asesoramento personalizado para estudar cada caso.
6. Servizo de xestión e tramitación de subvencións prestado directamente por PROX CONSULTORES á empresa solicitante.

Condicións económicas do servizo:

1. Servizo de tramitación non é gratuíto.
2. Existe un custo fixo inicial, que depende da convocatoria e do proxecto, e que pode situarse aproximadamente entre 200 € e 3.000 € + IVE.
3. Ademais, existe unha parte variable “a éxito”, consistente nunha porcentaxe sobre a subvención concedida.
4. As condicións concretas (importe exacto, porcentaxes e forma de pago) establécense en cada proposta individual presentada á empresa.
5. As empresas asociadas derivadas por Ribeira Sacra Next contan cun 10% de desconto sobre os honorarios de PROX CONSULTORES.
6. Antes de iniciar calquera tramitación, a empresa recibirá unha proposta económica detallada que deberá aceptar expresamente.

Como traballa PROX Consultores?

PROX acompaña á empresa en todas as fases do proceso: identifica as axudas máis axeitadas, realiza un estudo previo de viabilidade, asesora sobre a documentación necesaria, prepara e presenta a solicitude, fai o seguimento do expediente, atende os requirimentos da administración e presta apoio na xustificación final da subvención.  

👉 Máis información na web: https://proxconsultores.com/

As empresas asociadas interesadas neste servizo poden contactar con Ribeira Sacra Next para ampliar información e coñecer as condicións de acceso ao convenio.

Ver todos os convenios:  https://ribeirasacranext.gal/convenios