PROX Consultores, novo servizo para as empresas asociadas de Ribeira Sacra Next.

Co obxectivo de ofrecer ás nosas empresas asociadas un apoio especializado na busca, análise e tramitación de axudas, Ribeira Sacra Next asinou o 31 de marzo de 2026 un convenio de colaboración con PROX Consultores, empresa especializada na xestión e tramitación de subvencións para empresas.  

A través deste acordo, as empresas asociadas poden acceder a un servizo profesional de acompañamento en subvencións, desde a fase inicial de información e estudo ata a presentación da solicitude, o seguimento do expediente e a xustificación final. O convenio tamén recolle un 10% de desconto nos custos de PROX para os proxectos que cheguen a través da asociación.  

Que vantaxes ofrece este convenio ás empresas asociadas?

1. Asesoramento gratuíto inicial sobre subvencións e liñas de apoio.
2. Información actualizada sobre axudas publicadas e convocatorias de interese.  
3. Envío de boletíns, mailings e resumos sobre subvencións para empresas.  
4. Análise da viabilidade de cada proxecto e estudo das axudas máis axeitadas.  
5. Reunións de orientación e asesoramento personalizado para definir a mellor estratexia.  
6. Xestión integral da subvención: preparación da documentación, presentación da solicitude e seguimento do expediente.  
7. Xestión de requirimentos e apoio na fase de xustificación final ata o cobro e peche do expediente.
8. Modelo de traballo maioritariamente a éxito.
9. 10% de desconto nos custos de PROX para empresas asociadas derivadas por Ribeira Sacra Next.

Como traballa PROX Consultores?

PROX acompaña á empresa en todas as fases do proceso: identifica as axudas máis axeitadas, realiza un estudo previo de viabilidade, asesora sobre a documentación necesaria, prepara e presenta a solicitude, fai o seguimento do expediente, atende os requirimentos da administración e presta apoio na xustificación final da subvención.  

👉 Máis información na web: https://proxconsultores.com/

As empresas asociadas interesadas neste servizo poden contactar con Ribeira Sacra Next para ampliar información e coñecer as condicións de acceso ao convenio.

Ver todos os convenios:  https://ribeirasacranext.gal/convenios