A Asociación de Empresas da Ribeira Sacra, en colaboración co Polo de Emprendemento e Apoio ao Emprego de Monforte de Lemos, organizou recentemente a xornada “Fomentando a transmisión de negocios”, unha actividade centrada nas oportunidades que ofrece a remuda xeracional no tecido empresarial.

O Polo de Monforte de Lemos, que presta apoio a persoas emprendedoras e empresas de toda a contorna da Ribeira Sacra, traballa precisamente para impulsar a creación, continuidade e consolidación de proxectos empresariais no territorio.

A sesión resultou moi interesante, dinámica e participativa, converténdose nun espazo de encontro no que compartir experiencias, resolver dúbidas e coñecer ferramentas clave para garantir a continuidade de negocios xa en funcionamento.

Dende a Asociación queremos agradecer a implicación de todas as persoas asistentes, así como a colaboración do Polo de Emprendemento de Monforte de Lemos, reafirmando o noso compromiso co impulso do emprendemento e co fortalecemento do tecido empresarial da Ribeira Sacra.